महोत्तरी : महोत्तरी प्रहरीले २१० किलो गाँजासहित दुईजनालाई पक्राउ गरेको छ । मंगलबार राति जलेश्वर नगरपालिका १ स्थित महादेव मन्दिर नजिकबाट बा.प्र. ०१–०२६ च ४९२१ नम्बरको पिकप गाडीमा १४ पोका अन्दाजी २१० किलो गाँजा नियन्त्रणमा लिएको हो ।
पक्राउ पर्नेमा जलेश्वर नगरपालिका ७ का २५ वर्षीय चालक सुरेन्द्र दास र सहचालक जिल्ला धादिङ थाक्रे गाउँपालिका वडा ७ का २३ वर्षीय जिवन तामाङलाई नियन्त्रणमा लिएको जिल्ला प्रहरी कार्यालय महोत्तरीले जनाएको छ ।
पक्राउ परेका दास र तामाङ उपर आवश्यक अनुसन्धान भइरहेको महोत्तरीका प्रहरी प्रवक्ता डीएसपी दिलिपकुमार गिरीले जानकारी दिएको छ ।
प्रतिक्रिया दिनुहोस !
