धौलागिरी अस्पतालमा आकस्मिक बाहेकका सेवा बन्द

धौलागिरी अस्पतालमा आकस्मिक बाहेकका सेवा बन्द
सुन्नुहोस्

बागलुङ : पोखरास्थित मणिपाल शिक्षण अस्पतालका चिकित्सकमाथि हातपात भएको विरोधमा बागलुङको धौलागिरी अस्पतालका स्वास्थ्यकर्मीहरुले आकस्मिक बाहेक अन्य सेवा बन्द गरेका छन्। 

सरकारको तर्फबाट स्वास्थ्यकर्मीहरुको सुरक्षाको प्रत्याभुति नभएसम्म आकस्मिक बाहेकका सबै सेवाहरू दिन नसक्ने भन्दै मंगलबारदेखि स्वास्थ्यकर्मीहरुले सबै सेवा ठप्प गरेको घोषणा गरेका हुन्। धौलागिरी अस्पतालका सम्पूर्ण स्वास्थ्यकर्मीहरुले विज्ञप्ती जारी गरेर सेवा ठप्प गरेको जनाएका छन्।

विज्ञप्तीमा भनिएको छ, 'असोज ८ गते मणिपाल शिक्षण अस्पताल पोखरामा कार्यरत चिकित्सक तथा स्वास्थ्यकर्मीहरूमाथि नियोजितरूपमा भएको सांघातिक आक्रमण तथा अस्पताल समेत तोडफोड गरेको घटनाप्रति धौलागिरी अस्पतालका चिकित्सक एवं स्वास्थ्यकर्मीहरु घोर भत्सर्ना एवं निन्दा गर्दछौं।’

धौलागिरी अस्पतालका चिकित्सक र स्वास्थ्यकर्मीहरुले विज्ञप्तीमार्फत् इमान्दारी पूर्वक आफ्नो काम कर्तव्य पालना गरी आफ्नो ज्ञान सीप र क्षमतालाई प्रयोग गर्दै विरामीको सेवामा अहोरात्र खटिई रहँदा मृत्युलाई अतिरन्जित गरि चिकित्सकहरुलाई ज्यान मार्ने हेतुले अस्पतालनै कब्जा गरी अस्वभाविक र अमानविय तवरले गरेको कुटपिट प्रति घोर भत्सर्ना गर्दै दोषीलाई यथाशिघ्र पक्राउ गरेर कडा कारबाही गर्नुपर्ने माग गरेका छन् । देशव्यापी रुपमा भएको चिकित्सक एवं स्वास्थ्यकर्मीहरुको आन्दोलन प्रति एकेवद्धता प्रकट गरेको विज्ञप्तीमा उल्लेख गरिएको छ। 
 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.