सिन्धुली : जिल्लाको दुधौली नगरपालिका ११ तल्लो धनसरीमा एक पुरुषको बेवारिसे शव फेला परेको छ। धनसरी स्थित कमला नदिको किनारमा नाम, थर, वतन नखुलेको अन्दाजी ६० वर्षीय पुरुषको शव फेला परेको प्रहरीले जनाएको छ।
शव नदिकिनारामा पानीमा घोप्टो परिरहेको अवस्थामा भेटिएको जिल्ला प्रहरी कार्यालय सिन्धुलीका प्रहरी नायब उपरीक्षक चिरञ्जीवी दाहालले बताए ।
स्थानीयले बेवारिसे अवस्थामा लास देखेपछि इलाका प्रहरी चौकी दुधौलीलाई खबर गरेका थिए । इलाका प्रहरी कार्यालय डकाहाका प्रहरी निरीक्षकको नेतृत्वमा प्रहरीले घटनास्थलमा पुगी प्रारम्भिक कार्य पूरा गरी शवलाई पोष्टमार्टमको लागि स्वास्थ्य केन्द्र दुधौलीमा राखिएको छ ।
प्रतिक्रिया दिनुहोस !
