वीरेन्द्रनगर : नेकपा एमाले कर्णाली प्रदेशको नेतृत्व चयन गर्नका लागि भएको मतदानको मतगणना सुरु भएको छ । बिहान ८ बजेदेखि मतगणना हुने भनिए पनि मध्यान्ह १२ बजेबाट मतगणना गर्न थालिएको हो ।
एमाले कर्णाली प्रदेशको पहिलो अधिवेशनबाट सर्वसम्मत नेतृत्व चयन गर्न असफल भएपछि आइतबार मतदान भएको थियो । कुल ६ सय १६ मतदातामध्ये ६ सय ९ मतदाताले मतदान गरेका थिए ।
एमालेको प्रदेश कमिटी अध्यक्षका लागि नेता मीनबहादुर शाही, गुलावजंग शाह र प्रकाश रोकाया प्रतिस्पर्धामा उत्रिएका छन्। जसमा शाही गोरख बोगटी समूह, शाह यामलाल कंडेल समूह र रोकाया स्वतन्त्र उम्मेद्वार हुन्। एमालेका नेता प्रेमबहादुर सिंह, राजबहादुर शाहीले अध्यक्षमा उम्मेदवारी दिएपनि फिर्ता लिने समयमा फिर्ता लिइसकेका थिए।
यस्तै प्रदेश कमिटीको उपाध्यक्षमा दानिसंह परियार, टेकराज पछाई र लालबहादुर महतरा चुनावी प्रतिस्पर्धामा छन्। सचिवमा रुद्रबहादुर शाही र ध्रुवबहादुर शाही, उप–सचिव खुलामा नारायणकुमार शाह, रविन्द्रराज शर्मा, रमेशकुमार शाही, बखतबहादुर भण्डारी, धिरेन्द्रराज गिरी, तेजकुमार विक, उप–सचिव महिलामा मेनका पछाइ र पद्मा खड्का उम्मेदवार बनेका छन्।
यस्तै लेखा आयोगको अध्यक्षमा जितबहादुर मल्ल, दीर्घराज न्यौपाने र सुरज थापाले उम्मेदवारी दिएका छन्।
प्रतिक्रिया दिनुहोस !
