‘नेपालको पुँजी बजार ध्वस्त छ, सरकार मस्त निद्रामा छ’

बैंक वित्तीय संस्थामा लगानीयोग्य रकम प्रशस्त हुँदाहुँदै ऋण प्रवाह हुन सकेको छैन। जसको कारण हो, बैंकहरूको अस्वस्थ प्रतिस्पर्धा र नेपाल राष्ट्र बैंकको गलत नीति हो।

नेपालको पुँजी बजार ध्वस्त छ। लगानीकर्ताले खर्बौं रकम गुमाइसकेका छन्। राज्यलाई एक महिनामा ३ अर्ब २५ करोड रुपैयाँ कर बुझाएको क्षेत्र हो पुँजी बजार। पुँजी बजार ध्वस्त हुँदा अर्थमन्त्री र नियामकलाई चासो छैन। अर्थमन्त्रीज्यू ‘गभर्नर सा’ब मैले भनेको टेर्नु हुँदैन’ भन्ने अभिव्यक्ति दिनुहुन्छ।

सेयर धितो कर्जामा १२ करोडको क्याप हटाउन को लागेको छैन र ? पूर्वअर्थमन्त्रीज्यूहरूले सक्दो पहल गरिरहनु भएको छ, मुद्दा उठाइरहनु भएको छ। सेयर बजार विरोधी यो नीति आएको दुई वर्षपछि बल्ल आवाज उठ्दा ‘तँ कुटेजस्तो गर्, म रोएजस्तो गर्छु’ भएको पो हो कि ? समग्र अर्थव्यवस्था तहसनहस हुँदा अर्थमन्त्री निदाउनु भएको छ, सरकार मस्त निद्रामा छ।

- हरि ढकाल, प्रतिनिधिसभा सदस्य