वीरगन्ज : भारतबाट तस्करी गरेर नेपालमा ल्याइएको एक ट्याक्टर गहुँ प्रहरीले पर्साको ग्रामीण भेगबाट बरामद गरेको छ । पर्साको वीरगन्ज महानगरपालिका वडा नम्बर १९ केहुनियास्थित तिलावे पुलबाट बुधबार प्रहरीले ८ हजार ५६० केजी गहँुसहितको ना १ ख ९६४२ नम्बरको ट्याक्टर नियन्त्रणमा लिएको हो ।
विशेष सूचनाको आधारमा खटिएको प्रहरी टोलीले गाउँबाट वीरगन्ज बजारतर्फ आउँदै गरेको उक्त ट्याक्टर तिलावे पुलमा रोक्न खोज्दा चालक ट्याक्टर छाडेर भागेका थिए । त्यसपछि प्रहरीले चेकजाँच गर्दा उक्त ट्याक्टरमा लोड रहेको ८ हजार ५६० केजी गहुँ बरामद भएको पर्साका प्रहरी नायब उपरीक्षक कुमार विक्रम थाापाले जानकारी दिए ।
बरामद गहुँको बजार मुल्य सात लाख ३९ हजार ६८० रुपैयाँ रहेको उनले बताए । बरामद गहुँसहितको ट्याक्टर थप अनुसन्धान तथा कारबहीको लागि बुधबार नै वीरन्ज भन्सार कार्यालय बुझाइएको जानकारी थापाले दिए ।
प्रतिक्रिया दिनुहोस !
