नुवाकोट : आफैंले चलाएको साइकल दुर्घटना हुँदा नुवाकोटको तुप्चेमा एक वृद्धको मृत्यु भएको छ। मृत्यु हुनेमा विदुर नगरपालिका-७ साहुगाउँका ६० वर्षीय दक्षमान तामाङ रहेका छन्।
साहुगाउँमा सोमबार साइकल दुर्घटना हुँदा वृद्धको ज्यान गएको जिल्ला प्रहरी कार्यालय नुवाकोटले जनाएको छ। वृद्ध तामाङको घटनास्थलमै ज्यान गएको हो। घटनाको सम्बन्धमा थप अनुसन्धान भइरहेको प्रहरीले जनाएको छ।
उनको शव नुवाकोट जिल्ला अस्पताल त्रिशूलीमा पोष्टमार्टम गरी अन्तिम संस्कारका लागि परिवारजनलाई बुझाइएको छ।
प्रतिक्रिया दिनुहोस !
