हेटौंडा : बागमती प्रदेशसभाको १२औं अधिवेशन बैठक अन्त्य भएको छ। मंगलबार मन्त्रिपरिषद् बैठकबाट सिफारिस भई आएबमोजिम प्रदेश प्रमुख यादवचन्द्र शर्माले नेपालको संविधानको धारा १८३ को उपधारा २ बमोजिम आज राति १२ बजेदेखि लागू हुने गरी प्रदेश सभाको १२औं अधिवेशन अन्त्य गरेका हुन्।
प्रदेश सभाको गत जेठ ९ गते आह्वान भई ३८ पटक सञ्चालन भएको बैठकबाट प्रदेश सरकारको आर्थिक वर्ष २०८०/०८१ को बजेट पास हुनुको साथै केही विधेयकहरू पारित भएका छन्।
१२ औं अधिवेशनमा अर्थ सम्बन्धी २ वटासहित ४ वटा विधेयकहरू पारित भएको छ। प्रदेश सभाको उक्त बैठकहरूमा आर्थिक विधेयक २०८० र विनियोजन विधेयक २०८० सहित प्रदेश सरकारी कामकाजी भाषा सम्बन्धमा व्यवस्था गर्न बनेको विधेयक र प्रदेश सञ्चार माध्यम व्यवस्थापन ऐन २०७५ लाई व्यवस्थापन ऐनलाई संशोधन गर्न बनेको विधेयक पारित भएको हो।
सो अधिवेशनको बैठकमा ७ वटा विधेयकहरू दर्ता भएका थिए। जसमध्ये ३ वटा विधेयक संसदीय समितिमा छलफलका क्रममै छन्।
प्रतिक्रिया दिनुहोस !
