उपल्लो मुस्ताङबाट विदेशी पर्यटकलाई उद्धार गरी काठमाडौं लगियो

उपल्लो मुस्ताङबाट विदेशी पर्यटकलाई उद्धार गरी काठमाडौं लगियो
फाइल तस्बिर
सुन्नुहोस्

जोमसोम : उपल्लो मुस्ताङको लोघेकर दामोदरकुण्ड गाउँपालिका-१ चराङबाट एक विदेशी पर्यटकको हेली उद्धार गरिएको छ। नेदरल्याण्डका पर्यटक ५८ वर्षीय एडमिन भिक्टर वेगर्टको बिहीबार दिउँसो १२ बजे काठमान्डौं हेली उद्धार गरिएको जिल्ला प्रहरी कार्यालय मुस्ताङले जनाएको छ।

असोज २१ गते जोमसोम प्रहरी चेक पोस्टमा इन्ट्री भएका नेदरल्याण्डका पर्यटक एडविन भिक्टरलाई स्वास्थ्यमा समस्या देखिएपछि कैलास एअरको हेलीबाट काठमाडौं उद्धार गरिएको जिल्ला प्रहरी कार्यालय मुस्ताङक प्रहरी निरीक्षक दिनेश गौतमले जानकारी दिए। 

उनी श्रीमती र एक जना पथ प्रर्दशक भरियासहित उपल्लो मुस्ताङ प्रस्थान गरेका थिए। भ्रमणको चौथो दिन स्वास्थ्यमा समस्या देखिएपछि उपल्लो मुस्ताङको चराङबाटै सिधै काठमाडौं हेली उद्धार गरिएको प्रहरीले जनाएको छ।

यसअघि असोज २१ गतेदेखि २४ गतेसम्मको ३ दिनको अवधिमा हाइअल्टिच्युडका कारण ३ जना विदेशीले पर्यटकले ज्यान गुमाएका थिए। जसमध्ये २ जना भारतीय र अर्को एक जना  युक्रेनका पर्यटकले उपचारका क्रममा ज्यान गुमाएका थिए। गत वर्ष मुस्ताङमा १० जना पर्यटकले हाईअल्टिच्युडका कारण ज्यान गुमाएका थिए। 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.