महोत्तरी : ११ वर्षदेखि फरार रहेको अभियुक्तलाई महोत्तरी प्रहरीले पक्राउ गरेको छ। कर्तव्य ज्यान मुद्दामा सजाय पाएर फरार रहँदै आएका सोनमा गाउँपालिका-३ का ६५ वर्षीय गंगा रायलाई प्रहरीले पक्राउ गरेको हो।
रायलाई प्रहरीले सर्लाही जिल्ला ईश्वरपुर नगरपालिका-१३ बाट पक्राउ गरिएको जिल्ला पहरी कार्यालय महोत्तरीले जनाएको छ। जिल्ला अदालत महोत्तरीले रायलाई २०६९ साल वैशाख १७ गतेका दिन कर्तव्य ज्यान सम्बन्धी कसुरमा जन्मकैद सजाय सुनाएको थियो।
उनी सोही समयदेखि प्रहरीको फरार अभियुक्तको सूचीमा रहको महोत्तरीका प्रहरी प्रवक्ता डीएसपी दिलिपकुमार गिरीले जानकारी दिए। प्रहरी नियन्त्रणमा रहेको रायलाई प्रहरीले आवश्यक कारबाहीका लागि जिल्ला कारागार जलेश्वरमा बुझाएको छ।
प्रतिक्रिया दिनुहोस !
