पेरिस : हमासले गत साताबाट इजरायलमाथि गरेको आक्रमणमा मृत्यु हुने विदेशी नागरिकको संख्या सय नाघेको छ। यसमा सबैभन्दा बढी अमेरिकी नागरिक छन्।
एएफपीले सम्बन्धित देशका राजदूतावास र विदेश मन्त्रालयद्वारा सार्वजनिक तथ्यांकअनुसार इजरायलमा कट्टरपन्थी इस्लामिक समूह हमासको आक्रमणमा परी अहिलेसम्म मृत्यु हुनेको संख्या १ हजार ३ सय र यसमध्ये सबैभन्दा बढी इजरायली रहेका छन् भने मृतकमध्ये एक सयभन्दा बढी विदेशी नागरिक रहेको पुष्टि भएको हो।
गाजा पट्टीका स्वास्थ्य अधिकारीहरूले इजरायली आक्रमणमा परी कम्तीमा २ हजार २ सय १५ जनाको मृत्यु भएको जानकारी दिएका छन्। शनिबारसम्मको तथ्यांकअनुसार आक्रमणमा १ हजार २ सयभन्दा बढी इजरायली नागरिकको मृत्यु भएको इजरायल सरकारले पुष्टि गरेको छ। (रासस/एएफपी)
प्रतिक्रिया दिनुहोस !
