बैतडी : बैतडीको डिलासैनी गाउँपालिकाको एक्साभेटर (डोजर) अज्ञात समूहले तोडफोड गरेको छ। वडा न. ६ को वडा कार्यालय अगाडि पार्किङ गरी राखिएको बा.प्र.०१-००४क १२१६ नम्बरको गाउँपालिकाको एक्साभेटरमा गएराति आज्ञात समूहले तोडफोड गरेको हो।
एक्साभेटरक बाह्यका सीसासहितका सबै भागमा पूर्ण क्षति पुगेको गाउँपालिकाका प्रवक्ता यज्ञ भट्टले जानकारी दिए। घटनाको विषयमा थप अनुसन्धान भइरहेको प्रहरीले जनाएको छ।
केही दिनअघिसम्म ग्रामिण कच्ची सडक सफाइ गरेको एक्साभेटर अहिले तोडफोड भएको हो। तोडफोडमा संलग्नलाई पत्ता लगाई कारबाहीको दायरामा ल्याउन गाउँपालिकाले प्रशासनलाई आग्रह गरेको छ।
डिलाशैनी गाउँपालिकाको वडा न. ५ र ६ का पसलहरूमा समेत बेलाबेला चोरीका घटना हुने गरेका छन्।
प्रतिक्रिया दिनुहोस !
