बैतडीको डिलासैनी गाउँपालिकाका निवर्तमान अध्यक्ष बोहराको निधन
कात्तिक ९, २०८० बिहीबार १२:२४:३३
बैतडी : बैतडीको डिलासैनी गाउँपालिकाका निवर्तमान अध्यक्ष उकेन्द्र बोहराको निधन भएको छ । क्षयरोगबाट पीडित ४५ वर्षीय बोहराको धनगढीस्थित सेती प्रादेशीक अस्पतालमा उपचारका क्रममा निधन भएको हो ।
बोहरालाई केहिदिन पहिले स्वास्थ्यमा समस्या देखिएपछि अस्पताल भर्ना गरिएको थियो । उनको बिहीबार बिहान निधन भएको परिवारका सदस्यले बताएका छन् ।
बोहरा २०७४ सालको स्थानीय तहको निर्वाचनमा नेकपा एमालेबाट गाउँपालिका अध्यक्ष निर्वाचित भएका थिए ।
नेकपा एमाले बैतडी जिल्ला कमिटी सचिवालय सदस्य समेत रहेका बोहराको अकल्पनीय निधनले सिंगो पार्टीलाई दुखित तुल्याएको पार्टी जिल्ला अध्यक्ष सुरेन्द्र पालले बताए ।
प्रतिक्रिया दिनुहोस !
