काठमाडौं : प्रधानमन्त्री पुष्पकमल दाहाल प्रचण्ड रुकुम पुगेका छन्। बिहीबार दिउँसो हेलिकोप्टरबाट रुकुम पुगेका प्रधानमन्त्री दाहालले रुकुम पश्चिमको बाफीकोट गाउँपालिका-६ मग्मामा आयोजित सहिद स्मृति खेलकुद तथा सांस्कृतिक कार्यक्रमको उद्घाटन गरेका छन्।
प्रधानमन्त्री दाहालले 'जनतासँग माओवादी विशेष रुपान्तरण अभियान' अन्तरगत माओवादी केन्द्र रुकुम पश्चिम बाफिकोट गाउँपालिका ६ र ७ को विस्तारित बैठकमा सहभागी भएका थिए।
सहिद परिवार,घाइते परिवार र अगुवा कार्यकर्तासँग भेटघाट गरेको प्रधानमन्त्रीको सचिवालयले जनाएको छ। त्यहाँ प्रधानमन्त्रीले सहिद परिवारका वृद्ध आमाको हातबाट आशिर्वाद लिएका थिए।
प्रधानमन्त्री दाहालसँग माओवादी उपमहासचिव जनार्दन शर्मा र कर्णालीका मुख्यमन्त्री राजकुमार शर्मा पनि रुकुम पुगेका छन् ।
प्रधानमन्त्री दाहाल आजै काठमाडौं फर्कने कार्यक्रम छ।
प्रतिक्रिया दिनुहोस !
