वीरगन्ज : बाराको सिमरामा गत शनिबार राति भएको बस दुर्घटनामा घाइते भएकामध्ये थप एक युवकको उपचारका क्रममा मृत्यु भएको छ।
वीरगन्जस्थित नारायणी मेडिसिटी बयोधा हस्पिटलमा उपचारत वीरगन्ज महानगरपालिका-७ गहवाका ३० वर्षीय सुरज साह गुप्ताको सोमबार मृत्यु भएको हो।
योसँगै उक्त दुर्घटनामा परी मृत्यु हुनेको संख्या दुई पुगेको छ। यसअघि दुर्घटना भएकै रातमा भारतको मोतिहारी जिल्ला पोखरीया पपरीया ढाका किरैया घर भई हाल वीरगन्ज महानगरपालिका-७ मा बस्दै आएका २७ वर्षीय मुकेश साहको घटनास्थलमै मृत्यु भएको थियो।
चितवनको जलवीरेबाट पिकनिक मनाएर वीरगन्ज फर्किरहेको ना ७ ख ४७४९ नम्बरको तारकेश्वर ट्राभल्सको बस शनिबारराति ११ बजेतिर बाराको सिमरा चोकस्थित राष्ट्रिय वाणिज्य बैंक रहेको घरमा ठोक्किर दुर्घटना भएको थियो।
उक्त दुर्घटनामा ४० भन्दा बढी घाइते भएका थिए।
प्रतिक्रिया दिनुहोस !
