काभ्रे : काभ्रेमा पराल बोकेको ट्रक दुर्घटना हुँदा २ जनाको मृत्यु भएको छ। दुर्घटनामा परेर काभ्रेको पनौती नगरपालिका-२ का ३५ वर्षीय रविन आचार्य र बेथानचोक गाउँपालिका-२ का ५० वर्षीय शिवबिक्रम केसीको मृत्यु भएको हो।
काभ्रे जिल्लाको पनौती नगरपालिका-२ सिलाभन्ज्याङमा कुशादेवीबाट नयाँ गाउँतर्फ जाँदै गरेको बा ४ ख ६७२३ पराल लोड गरेको ट्रक ब्रेक फेल भई सडकबाट ६ सय मिटर तल खसेको जिल्ला प्रहरी कार्यालय काभ्रेका प्रहरी प्रवक्ता राजकुमार श्रेष्ठले बताए।
दुर्घटनामा परेर बेथानचोक गाउँपालिका-२ की ४५ वर्षीया सारदा तिमल्सिना रहेका छन्। उनको सिरमेमोरीयल अस्पतालमा उपचार भइरहेको छ।
प्रतिक्रिया दिनुहोस !
