काठमाडौं : नेकपा (एमाले)ले दशैं, तिहार, छठ लगायत पर्वहरूको अवसरमा आज शुभकामना आदानप्रदान तथा चियापान कार्यक्रम गर्दैछ। बुधबार दिउँसो सवा बाह्र बजेपश्चात पार्टीको केन्द्रीय कार्यालय, च्यासलमा चियापान कार्यक्रम आयोजना गरेको हो।
कार्यालय सचिव डा. भीष्म अधिकारीका अनुसार संयुक्त राष्ट्रसंघका महासचिव एन्टोनियो गुटेरेसको नेपाल भ्रमणको कार्यतालिकालाई मध्यनजर गर्दै मंगलबारलाई तय गरिएको कार्यक्रम बुधबार सारिएको हो।
एमाले अध्यक्ष केपी शर्मा ओलीले चियापानमा सहभागी हुन सबैलाई निम्तो दिएका छन्। कार्यक्रममा प्रधानमन्त्री, मन्त्रीहरू, विभिन्न राजनीतिक दलका नेता/कार्यकर्ता, राजदूत, कुटनीतिज्ञ, सुरक्षा निकायका प्रमुख, सरकारी अधिकारीलगायतलाई आमन्त्रण गरिएको एमालेले जनाएको छ।
प्रतिक्रिया दिनुहोस !
