पैनीमा डुबेर घाइते भएको अवस्थामा फेला परेकी पथरीशनिश्चरे नगरपालिका–१ सुन्दर बस्तीकी ५२ वर्षीया गंगा राईको मृत्यु भएको जानकारी इलाका प्रहरी कार्यालय पथरीका डीएसपी गणेश श्रेष्ठले दिए ।
विराटनगर : मोरङको पथरीशनिश्चरेमा पैनीमा डुबेको अवस्थामा भेटिएकी एक जना महिलाको बुधबार साँझ मृत्यु भएको छ ।
पैनीमा डुबेर घाइते भएको अवस्थामा फेला परेकी पथरीशनिश्चरे नगरपालिका–१ सुन्दर बस्तीकी ५२ वर्षीया गंगा राईको मृत्यु भएको जानकारी इलाका प्रहरी कार्यालय पथरीका डीएसपी गणेश श्रेष्ठले दिए । उनका अनुसार गंगालाई घरनजिक रहेको पैनीमा डुबिरहेको देखेपछि छोराले उद्धार गरेर साँझ ६ बजेतिर उपचारका लागि अस्पताल पुर्याएका थिए ।
उपचारका लागि पथरी अस्पताल पुर्याउनसाथ चिकित्कसले मृत घोषित गरेको डीएसपी श्रेष्ठले बताए । शवलाई पोस्टमार्टमाका लागि उर्लाबारीको मंगलबारेस्थित मदन भण्डारी अस्पताल एवं ट्रमा सेन्टरमा लगेर घटनाको अनुसन्धान सुरु गरिएको उनको भनाइ छ ।
प्रतिक्रिया दिनुहोस !
