पाल्पा : सिद्धार्थ राजमार्गको तानसेन पोखरा सडक खण्डको रम्भा गाउँपालिका-३ सेरा पाल्पामा ट्याक्सी दुर्घटना हुँदा ५ जना घाइते भएका छन्।
आज बिहान करिव साढे ९ बजे बुटवलबाट पोखरातर्फ जाँदै गरेको ग १ ज १९७० नम्बरको ट्याक्सी घुम्तीमा अनियन्त्रित भइ सडक छेउमा रोकी राखेको ग १ त ५२५० नम्बरको ट्याक्टरमा ठोकिन गइ दुर्घटना भएको जिल्ला प्रहरी कार्यालय पाल्पाले जनाएको छ।
घाइते हुनेमा चालक पोखरा उप–महानगरपालिका वडा नं. १५ का ३८ वर्षीय सुरेश गुरुङ, सोही ठाउँका ७४ वर्षीय धनबहादुर गुरुङ, ७० वर्षीया गंगा गुरुङ, ४० वर्षीय बिनोद गुरुङ, बुटवल उप–महानगरपालिका –१० रामनगरका ७२ वर्षीय भिमबहादुर गुरुङ रहेका जिल्ला प्रहरी कार्यालय पाल्पाका प्रवक्ता एवं प्रहरी नायव उपरीक्षक सुगन्ध श्रेष्ठले जानकारी दिए। घाइतेको युनाइटेड मिसन अस्पताल तानसेमा उपचार भइरहेको छ।
प्रतिक्रिया दिनुहोस !
