बाजुरा : बुढीगंगा नगरपालिकामा अन्तरपालिका स्तरीय प्रथम नगर प्रमुख कप भलिबल प्रतियोगिता हिजो आइतबारबाट सुरु भएको छ।
बुढीगंगा नगरपालिकाको आयोजनामा आइतबारबाट सुरु भएको उक्त प्रतियोगिताको पूर्व उद्योग मन्त्री तथा नेकपा एमालेका खेलकुद विभाग प्रमुख कर्णबहादुर थापाले उद्घाटन गरेका हुन्।
प्रतियोगिता बडीमालिका क्याम्पस फालासैनको खेलमैदानमा सञ्चालन भइरहेको छ। खेल क्षेत्रको विकासका लागि अन्तर पालिका स्तरीय खुला भलिबल प्रतियोगिता आयोजना गरिएको बुढीगंगा नगरपालिकाका नगर प्रमुख रामबहादुर बानियाँले बताए।
कात्तिक १९ बाट सुरु भएको प्रतियोगिता २३ गतेसम्म सञ्चालन हुने छ। प्रतियोगितामा सुदूरपश्चिम प्रदेशका १६ वटा पालिकाका टिम सहभागी भएका छन्।
प्रतियोगितामा प्रथम पुरस्कार १ लाख ५७ हजार ७ सय ७७, द्वितीय १ लाख ७ हजार ७ सय ७७ र तृतीय पुरस्कार ५७ हजार ७ सय ७७ प्रदान गरिने आयोजकले बताएको छ।
प्रतिक्रिया दिनुहोस !
