काठमाडौं : आईटी प्रशिक्षण संस्था ब्रोडवे इन्फोसिसले प्रतिष्ठित अन्तर्राष्ट्रिय अवार्ड पाएको छ। दक्षिण कोरियामा आयोजित समारोहमा ब्रोडवे इन्फोसिसले ‘एसोसिओ इडिटेक अवार्ड २०२३’ पाएको हो।
ब्रोडवे इन्फोसिसका प्रबन्ध निर्देशक हरिकृष्ण अधिकारी र उत्तम अधिकारीले उक्त अवार्ड ग्रहण गरेका हुन्। सूचना तथा सञ्चार प्रविधिको क्षेत्रमा उल्लेखनीय काम गरेको भन्दै एसियन ओसोनियन कम्प्युटिङ उद्योग संगठन (एसोसीओ)ले उक्त सम्मान प्रदान गरेको हो।
एसोसीओमा एसिया प्रशान्त क्षेत्रका २४ संस्था आबद्ध छन्। ब्रोडवेका प्रबन्धनिर्देशक अधिकारीले उक्त सम्मान नेपाली आईटी क्षेत्रका लागि महत्वपूर्ण भएको बताए। उक्त अवार्डका लागि कम्प्युटर एसोसियसन नेपालको पनि अहम् भूमिका रहेको उनको भनाइ छ।
‘यो पुरस्कार केवल ब्रोडवे इन्फोसिसको मात्र नभएर नेपालको आईटी क्षेत्रमा राम्रो प्रभाव पारेको छ,’ उनले भने।
प्रतिक्रिया दिनुहोस !
