गाजामा युद्धविराम लम्ब्याइने
![गाजामा युद्धविराम लम्ब्याइने](https://annapurnapost.prixacdn.net/media/albums/gaja-people_KznOfhS2Bb_XPs1hVr1Fn.jpg)
प्यालेष्टिनी इस्लामिक लडाकू समूह (हमास) र इजरायलबीच जारी मानवीय युद्धविरामको समयावधि थपिने अपेक्षा गरिएको जनाएको छ ।
इजरायली सञ्चार माध्यमले युद्धविरामको समयावधि बिहीबार सकिएपछि थप्ने ‘प्रारम्भिक’ सहमति भएको उल्लेख गरेका छन् । इजरायलले यसअघि हमासले दैनिक कम्तीमा १० जना इजरायली बन्धकलाई मुक्त गर्न जारी राखेमा युद्धविराम अझै लम्बिन सक्ने बताएको थियो ।
नाम नबताउने शर्तमा प्यालेष्टिनी स्रोतले सिन्ह्वालाई बताएअनुसार हमासले कतारी र इजिप्टका मध्यस्थकर्ताका लागि २० जना इजरायली बन्धकको नामसहितको नयाँ सूची तयार पारेको छ ।
स्रोतका अनुसार हमासले मध्यस्थताकर्तासँग गाजा पट्टीमा रहेका थप बन्धकहरूलाई मुक्त गर्न र गाजामा खाद्यान्न तथा अतिआवश्यक सामग्रीको आपूर्ति गर्न युद्धविरामलाई थप केही दिन लम्ब्याउन चाहेको जानकारी दिएको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)