अमेरिकाका पूर्व विदेशमन्त्री हेनरी किसिन्जरको मृत्यु
![अमेरिकाका पूर्व विदेशमन्त्री हेनरी किसिन्जरको मृत्यु](https://annapurnapost.prixacdn.net/media/albums/henery-kisinzer_faOiFRel2n_CTBzXVO5m7.jpg)
वासिङटन डिसी : अमेरिकाका पूर्व विदेशमन्त्री हेनरी किसिन्जरको १०० वर्षको उमेरमा कनेक्टिकटस्थित आफ्नै घरमा निधन भएको छ ।
किसिन्जर एक राजनीतिज्ञ र एक प्रसिद्ध कूटनीतिज्ञ थिए। जसले राष्ट्रपति रिचर्ड एम. निक्सन र जेराल्ड फोर्डको शासनकालमा अमेरिकी विदेश नीतिमा अभूतपूर्व काम गरेका थिए।
परराष्ट्र मन्त्री हुनुका साथै ह्वाइट हाउसको राष्ट्रिय सुरक्षा सल्लाहकार पनि रहेर दुवै पद एकैसाथ सम्हालेका उनी एकमात्र नेता हुन्।
अमेरिकी विदेश नीतिमा उनको नियन्त्रण कुनै पनि अमेरिकी राष्ट्रपतिको भन्दा बढी रहेको बताइएको छ ।
सन् १९३८ मा नाजी जर्मनीबाट भागेर यहूदी आप्रवासीको रूपमा अमेरिका आइपुग्दा उनलाई अङ्ग्रेजी बोल्न पनि निकै कम आउँथ्यो। तर उनले हार्वर्डबाट स्नातक गरे, इतिहासमा स्नातकोत्तर गरे र लेखकको रूपमा आफ्नो सीपको प्रयोग गरे।
राजनीतिमा आउनुअघि उनी हार्वर्डमा पढाउथे । बीबीसी
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)