युद्धविराम सकिएलगत्तै इजरायलद्वारा दक्षिणी गाजामा हवाई आक्रमण सुरु
मंसिर १५, २०८० शुक्रबार ११:५४:८
गाजामा हमासको आन्तरिक र राष्ट्रिय सुरक्षा मन्त्रालयले दक्षिणी गाजामा धेरै हवाई हमला गरिएको जनाएको छ। मन्त्रालयले टेलिग्राम मार्फत यो जानकारी दिएको हो ।
उत्तरी गाजामा पनि धेरै विस्फोटको आवाज सुनिएको बताइएको छ । गाजा सहरको उत्तर-पश्चिममा पनि गोलीबारी भएको छ।
हमास र इजरायलबीचको युद्धविराम सम्झौताको बिहीबार सातौं दिन थियो। आजबाट सम्झौता सकिएको छ। सम्झौता सकिएलगत्तै हवाई आक्रमण सुरु भएको हो।
यो युद्धविराम अगाडि बढ्ने आशा थियो। अमेरिका, कतार र इजिप्टले निरन्तर मध्यस्थता गर्दै आए पनि यो सम्झौता अगाडि बढ्न सकेन ।
गत शुक्रबार हमास र इजरायलबीच युद्धविराम सम्झौताको घोषणा भएको थियो। सात दिनसम्म चलेको यस सम्झौतामा बिहीबारसम्म हमासले ११० जना इजरायली बन्धकहरूलाई रिहा गरेको छ ।
प्रतिक्रिया दिनुहोस !
