काभ्रे : जिल्ला प्रहरी कार्यालय काभ्रेले सवारी चेकजाँचको क्रममा घुस दिन खोज्ने एकजनालाई पक्राउ गरेको छ । प्रहरीले काभ्रेभन्ज्याङबाट काभ्रेको रोशी गाउँपालिका-८ बस्ने सानुकान्छा तामाङलाई उनले चलाएको स्कुटीसहित नियन्त्रणमा लिएको हो ।
सोमबार अस्थायी प्रहरी पोष्ट ट्राफिक प्रहरीसहितको संयुक्त चेकिङको क्रममा तामाङ पक्राउ परेका हुन् । बा.प्र.०२–०३७ प ०९९७ नं।को स्कुटीमा धुलिखेलबाट भकुण्डेतर्फ जाँदै गरेका तामाङलाई प्रहरीले सवारी चालक अनुमति पत्र मागेको थियो ।
सो क्रममा उनले पटक– पटक ‘मेरो लाइसेन्स यो हो भनि बिलबुक भित्र एक हजार राखेर दिन खोजेका थिए । ड्युटीमा खटिएको प्रहरी कर्मचारीलाई आर्थिक प्रलोभन देखाई प्रभावमा पारी कर्तव्यपथबाट बिचलित गर्न दुरुत्साहान गरिएको अभियोगमा उनलाई पक्राउ गरेर थप अनुसन्धान अघि बढाइएको जिल्ला प्रहरी कार्यालय काभ्रेले जनाएको छ।
प्रतिक्रिया दिनुहोस !
