रसुवाबाट काठमाडौं भित्र्याउँदै गरेको दुई किलो सुन बरामद, तीनजना पक्राउ
मंसिर २२, २०८० शुक्रबार १३:१४:५९
काठमाडौं : दुई किलो सुनसहित तीनजना पक्राउ परेका छन्। रसुवाबाट काठमाडौं आउँदै गरेको नीजि गाडीबाट प्रहरीले दुई किलो सुनसहित तीनजनालाई नागढुंगाबाट पक्राउ गरेको हो।
उपत्यका अपराध अनुसन्धान कार्यालयको टोलीले शुक्रबार बिहान सुनसहित तीनजनालाई पक्राउ गरेको हो। पक्राउ पर्नेमा ग्यालछिरीङ तामाङ,विरु तामाङ र सुनिल भुजेल रहेको प्रहरी स्रोतले जनाएको छ।
उनीहरूले रसुवा नाकाबाट उक्त सुन काठमाडौं भित्र्याउने क्रममा प्रहरीले बरामद गरेको अपराध अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीले जानकारी दिए।। पक्राउ परेका तीनैजना रसुवाका स्थानीय हुन्। उनीहरूले उक्त सुन नीजि गाडीमा ल्याउँदै थिए।
बिहीबार राती मात्रै त्रिभुवन अन्तर्राष्ट्रिय विमानस्थलबाट १४ किलो सुन बरामद गरिएको थियो।
प्रतिक्रिया दिनुहोस !
