पोखराबाट काठमाडौं उड्न लागेको बुद्ध एयर जहाजको इमर्जेन्सी ढोका खुलेपछि...
पुष ५, २०८० बिहीबार १०:५६:५३
पोखरा : पोखराबाट काठमाडौं उड्न लागेको बुद्ध एयरको जहाजको ढोका खुलेको छ। बिहीबार बिहान पोखराबाट उड्नै लागेको बुद्ध एयरको उडान नम्बर ६५२ को जहाजको इमर्जेन्सी ढोका खुलेको हो।
बुद्ध एयरका सूचना अधिकारी दीपेन्द्र कर्णले जहाजको ढोका यात्रुले खोलेको बताएका छन्। उनले भने,' ६५२ का जहाजको इमर्जेन्सी ढोका यात्रुबाट के कति कारणले खुल्न गएको हो, यसबारे पोखरा टर्मिनलका सुरक्षाकर्मीले बुझ्दै छन् । इर्मजेन्जी डोरका सिटमा बस्ने यात्रुलाई हाम्रा विमान परिचारिकाले हरेक उडानमा यसबारे ब्रिफिङ गरेका हुन्छन् । हाम्रा प्राविधिक टोलीले जहाजको चेकजाँच गर्दैछन् ।'
उनका अनुसार यात्रुलाई अर्को जहाजबाट काठमाडौं पठाउने तयारी भइरहेको छ।
प्रतिक्रिया दिनुहोस !
