काठमाडौं : परराष्ट्रमन्त्री एनपी साउद र श्रीलंकाली विदेशमन्त्री अली साब्रीबीच सार्क र बिमस्टेकका विषयमा सहमति र सहकार्यका लागि छलफल भएको छ।
बिहीबार काठमाडौंमा भएको दुई मन्त्रीबीचको छलफलमा छेत्रीय संगठनहरू सार्क र बिमस्टेकलाई अझैं बलियो बनाउने भन्ने विषयमा छलफल भएको पत्रकार सम्मेलनमा जानकारी दिइयो।
द्विपक्षीय छलफलमा सम्बन्धहरूको पुनरावलोकन, लगानी, व्यापार, कनेक्टिभिटी, पर्यटन, संस्कृति, शिक्षा, रक्षा र इमिग्रेसनका बारेमा छलफल भएको बताए। उनले संयुक्त राष्ट्रसंघ र अन्य बहुपक्षीय फोरमहरूमा दुवै राष्ट्रले परस्पर मिलेर सहकार्य गर्ने विषयमा कुराकानी भएको पनि बताए।
संयुक्त राष्ट्रसंघ र अन्य बहुपक्षीय फोरमहरूमा पनि दुई देशको सहकार्यको विषयमा पनि छलफल भएको छ। छलफलमा सबै राष्ट्रका बीचमा सहमति बनाएर छेत्रीय संगठनहरू, विशेष गरेर सार्क र बिमस्टेकलार्ई आउँदा दिनमा बलियो बनाउँदै लैजाने विषयमा छलफल भएको छ।
मन्त्री साउदले भेटमा भएका विषयमा थप स्पष्ट पार्दै भने, ‘दुवै देशको आपसी समझदारी र स्वार्थका क्षेत्र पहिल्याएर त्यसमा सहकार्य गर्ने बारेमा छलफल भएको छ। परम्परागत रूपमा श्रीलंका र नेपाल दुवै मित्रराष्ट्रका रूपमा अत्यन्त घनिष्ठ सम्बन्ध भएका मित्रराष्ट्रका रूपमा रही आएका छौं। आगामी दिनमा पनि सौहार्दपूर्ण सहकार्य रहनेछ।’
उक्त सम्मेलनमा विदेशमन्त्री साब्रीले शिक्षा, स्वास्थ्य, रोजगार, पर्यटनलगायतका क्षेत्रमा नेपाल र श्रीलंकाबीच सहकार्य गरेर जाने भन्ने बारे वार्ता भएको छ।
प्रतिक्रिया दिनुहोस !
