नुवाकोट : ३५ वर्षदेखि फरार अभियुक्त पक्राउ परेका छन्। पक्राउ पर्नेमा लिखु गाउँपालिका-४ चौघडाका ५५ वर्षीय धम्वे राई रहेका छन्। जिल्ला प्रहरी कार्यालय नुवाकोटका अनुसार चोरी मुद्दाको फरार उनलाई चौघडाबाट पक्राउ गरिएको हो।
फरार अभियुक्त खोजी अभियानअन्तर्गत झ्याल फोरेर चोरी गरेको मुद्दामा दोषी रहेकोमा उनलाई पक्राउ गरिएको प्रहरी नायव उपरीक्षक खगेन्द्रबहादुर खड्काले जानकारी दिए।
खड्काका अनुसार उनलाई २०४५ भदौ ३० गते जिल्ला अदालत नुवाकोटले १ महिना १५ दिन कैद र ५७ हजार ८ सय १७ रुपैयाँ ५० पैसा जरिवाना गरेको फैसला गरेको थियो।
प्रतिक्रिया दिनुहोस !
