स्याङ्जा : जिल्ला स्तरीय १२औं राष्ट्रपति रनिङ शिल्ड छनौट प्रतियोगिताको उपाधि पुतलीबजार नगरपालिकाले जितेको छ।
जिल्ला सदरमुकाम अर्थात् पुतलीबजार नगरपालिका-१ स्थित मालेबगर खेलमैदानमा सम्पन्न प्रतियोगितामा ११ स्वर्ण, १० रजत र एक कास्यसहित २२ पदक जितेर पुतलीबजार उपाधि विजेता बनेको हो।
प्रतियोगितामा वालिङ नगरपालिकाले ९ स्वर्ण, २ रजत र ५ कास्य पदकसहित दोस्रो हुन सफल भएको छ। वालिङ्ले १६ पदक जित्दै उपविजेता बनेको हो। प्रतियोगितामा तेस्रो बनेको भीरकोट नगरपालिको १४ पदक जितेको छ। भीरकोटले ४ स्वर्ण, ५ रजत र ६ कांस्य पदक जितेको हो।
पुस ८, ९ र १० गते सम्पन्न छनौट प्रतियोगितामा प्रथम, दोस्रो र तेस्रो भएका पालिकालाई शिल्ड, मेडल र प्रमाणपत्र प्रदान गरिएको छ। प्रतियोगितामा यहाँका ६ गाउँपालिका सहित ५ नगरपालिकागरी ११ वटा पालिकाले सहभागिता जनाएका थिए। एथलेटिक्सका विभिन्न खेलहरूमा प्रतिस्पर्धा भएको थियो।
प्रतिक्रिया दिनुहोस !
