झापा : झापामा मोटरसाइकलको ठक्करबाट पूर्व सैनिकको मृत्यु भएको छ। मृत्यु हुनेमा बाह्रदशी गाउँपालिका-२ का ३९ वर्षीय ह्रदय भण्डारी रहेका छन्। बुधबार साँझ सवा ७ बजे पूर्व सैनिक भण्डारीलाई घर नजिकै नम्बर नखुलेको मोटरसाइकलले ठक्कर दिएको थियो।
दुर्घटनामा परी गम्भीर घाइते भण्डारीलाई उपचारका लागि बिर्तासिटी हस्पिटल बिर्तामोड लगिएको थियो। त्यहाँ उपचार सम्भव नभएपछि उनलाई सैनिक अस्पताल छाउनी रेफर गरिएको थियो।
त्यहाँ पनि उपचार नहुने भएपछि उनलाई घर ल्याएको र उपचारका लागि बिहीबार दिउँसो प्रादेशिक अस्पताल भद्रपुर लैजाँदा गर्दा बाटैमा मृत्यु भएको बाह्रदशीका कार्यपालिका सदस्य लक्ष्मी निरौला अधिकारीले जानकारी दिइन्।
ठक्कर दिने मोटरसाइकल चालक पन्थापाडातर्फ फरार भएको र उनको खोजी कार्य जारी रहेको जिल्ला ट्राफिक प्रहरी कार्यालय बिर्तामोडले जनाएको छ।
प्रतिक्रिया दिनुहोस !
