महोत्तरी : महोत्तरी प्रहरीले ४० हजार गाँजाको बोट नष्ट गरेको छ । बिहीबार साँझ एकडारा गाउँपालिका -५ बहेरामा २ विगाह क्षेत्रफलमा लगाइएको गाँजाका बोट प्रहरीले नष्ट गरेको हो।
खेतबारीमा गाँजाको खेती भइरहेको गोप्य सूचनाको आधारमा जिल्ला प्रहरी कार्यालय महोत्तरीबाट प्रहरी निरीक्षक लोककृष्ण दाहालको कमाण्डमा खटिएको प्रहरी टोलीले सो परिमाणको गाँजाको बोट नष्ट गरेको हो।
४० चालिस हजार बोटहरु फडानी गरी स्थानीयको उपस्थितिमा नष्ट गरिएको प्रहरी प्रवक्ता एवम् डीएसपी दिलिपकुमार गिरीले जानकारी दिए । गाँजा खेतीको सम्बन्धमा थप अनुसन्धान भइरहेको डीएसपी गिरीले बताए ।
प्रतिक्रिया दिनुहोस !
