राष्ट्रियसभा निर्वाचन : सुदूरपश्चिमबाट एमालेका खरेल, घिमिरे र जोशी उम्मेदवार
पुष २२, २०८० आइतबार १६:२७:६
धनगढी : राष्ट्रिय सभाको निर्वाचनमा एक्लै चुनाव लडने निर्णय गरेको नेकपा एमालेले सुदूरपश्चिमबाट तीनैजना उम्मेदवारको टुंगो लगाएको छ । माघ ११ गते हुने राष्ट्रिय सभा निर्वाचनको लागि एमालेले अन्यमा कञ्चनपुरका ईश्वरी प्रसाद खरेल, महिलामा कैलालीकी सावित्रा घिमिरे र अपांगमा कैलालीकै रामचन्द्र जोशीलाई उम्मेदवार बनाएको हो ।
खरेल केन्द्रीय लेखा आयोग सदस्य हुन् भने घिमिरे अखिल नेपाल महिला संघ की पूर्व कैलाली जिल्ला अध्यक्ष हुन । जोशी पार्टीको भातृ संगठन अपांग संघका केन्द्रीय सदस्य हुन् । सुदूरपश्चिमबाट राष्ट्रिय सभा सदस्य रहेका नेकपा माओवादी केन्द्रका हरिराम चौधरी (उत्सव) र महेश महरा तथा नेकपा नेकपा एमालेका ईन्दु कडरियाको पदावधि सकिन लागेको हो ।
रिक्त हुने यी तीन पदमा तीनजनालाई उम्मेदवार बनाउने निर्णय गरिएको नेकपा एमालेका प्रदेश अध्यक्ष कृष्णप्रसाद जैशीले जानकारी दिए ।
प्रतिक्रिया दिनुहोस !
