उत्तरप्रदेशमा कोइला बालेको ठाउँमा निसास्सिएर ५ बालबालिकाको मृत्यु

नयाँ दिल्ली : भारतको उत्तर प्रदेशको अमरोहा जिल्लाको एउटा गाउँमा निसास्सिएर ५ बालबालिकाको मृत्यु भएको छ ।

अमरोहा जिल्ला मजिस्ट्रेट राजेश त्यागीका अनुसार, 'यो घटना अमरोहा जिल्लाको ढाका गाउँमा भएको हो। कोठामा कोइला बालेर खाना पकाइएको थियो। सोही कोठामा सात जना सुतिरहेका थिए।'

' कोठामा अक्सिजनको अभाव भएको देखिन्छ, जसका कारण निसास्सिएर पाँच बालबालिकाको मृत्यु भएको हो। जसमा दुई केटा र तीन केटी छन्', उनले भने। 

२ जना घाइतेलाई उपचारको लागि अस्पताल लगिएको छ। बीबीसी