उदयपुर : उदयपुरको चौदण्डिगढी नगरपालिका १ कटरवोटेबाट प्रहरीले भरुवा बन्दुकसहित एक जनालाई पक्राउ गरेको छ । मोटरसाइकलमा लुकाएर ल्याएको अवस्थामा इलाका प्रहरी कार्यालय बेल्टारबाट खटिएको टोलीले भोजपुरको आपचौक गाउँपालिका १० का २० वर्षीय समिर राईलाई पक्राउ गरेको हो।
प्रहरीले भरुवा बन्दुक बनाउन प्रयोग हुने २ फिट ९ इन्च लामो दवास एक थान, ३ फिट १ इन्च लामो फलामको नाल एक थान, वेरिङ १७ थान, भरुवा वन्दुकमा प्रयोग गर्ने वारुदसहितको सेतो बट्टा एक थान वरामद गरिएको जिल्ला प्रहरी कार्यालयका सूचना अधिकारी डिएसपी हरिनन्दन चौधरीले बताए ।
त्यसैगरी फलामको गोली चार थान, सेतो बट्टा भित्र भरुवा बन्दुकमा प्रयोग हुने रातो रङको केप एक थानसमेत बरामद भएको उनले बताए । पक्राउ परेका राईलाई बुधबार नै जिल्ला अदालतबाट दश दिनको म्याद थप गरी अनुसन्धान सुरु गरिएको उनले बताए ।
प्रतिक्रिया दिनुहोस !
