वीरगन्ज : मधेस प्रदेश स्तरीय प्रधानमन्त्री कप छनौट क्रिकेट प्रतियोगिताको उपाधि पर्साले जितेको छ। वीरगन्जस्थित नारायणी रंगशालाको क्रिकेट मैदानमा बुधबार भएको फाइनल खेलमा बारालाई १५ रनले स्तब्ध पार्दै पर्साले उपाधि उचालेको हो ।
पर्साले दिएको १३३ रनको लक्ष्य पछ्याउँदै जवाफी व्याटिङमा उत्रिएको बाराले निर्धारित २३ ओभरमा ६ विकेट गुमाँउदै ११७ रनमात्र बनाएपछि उपाधि पर्साको पोल्टामा गयो। बाराका लागि ५८ बलमा अविजित ४७ रन बनाए। उसका अन्य व्याटरहरुले उल्लेख रन जोड्न सकेनन्। बलिङतर्फ पर्साका सोनु शर्मा एक्लैले ३ विकेट लिए ।
त्यसअघि टस जितेर पहिले व्याटिङ गरेको पर्साले निर्धारित २३ ओभरमा ९ विकेट गुमाएर १३२ रनको योगफल तयार पारेको थियो।उसका लागि हासिम अन्सारीले सर्वाधिक २६ बलमा २८ रनको योगदान दिएका थिए।बलिङतर्फ बाराका अनिल कुमार साह एक्लैले ५ विकेट लिएका थिए ।
आसन्न प्रधानमन्त्री कप क्रिकेट प्रतियोगिताको लागि मधेस प्रदेशको टिम छनौट गर्न भएको यस प्रतियोगितामा मधेस प्रदेशका आठ वटै जिल्लाका क्रिकेट टिमले भाग लिएका थिए।
प्रतिक्रिया दिनुहोस !
