काभ्रे : काभ्रेमा ट्याक्सीले कारलाई ठक्कर दिँदा ११ जना घाइते भएका छन्। जिल्लाको रोशी गाउँपालिका-८ डिप्सास्थित विपि राजमार्गमा ट्याक्सीले कारलाई ठक्कर दिँदा ११ जना घाइते भएका हुन्।
इलाका प्रहरी कार्यालय मंगलटारका अनुसार दिउँसो साढे ३ बजे काठमाडौंबाट मंगलटारतर्फ जाँदै गरेको बीएबी २९२५नम्बरको कारलाई विपरीत दिशा मंगलटारबाट धुलिखेलतर्फ आउँदै गरेको बा २ ज ३९४३ नम्बरको ट्याक्सीले ठक्कर दिएको थियो।
दुर्घटनामा घाइते भएकाहरूको उपचार मेथिनकोट अस्पताल भकुण्डे र धुलिखेल अस्पतालमा भइरहेको प्रहरीले जनाएको छ।
प्रतिक्रिया दिनुहोस !
