खाँदबारी : प्रथम तीनपोखरी कप आमन्त्रित फुटबल प्रतियोगिताको उपाधि एपीएफ पकलीले हात पारेको छ।
सङ्खुवासभाको खाँदबारी नगरपालिकाको खाँदबारी रंगशालामा भएको प्रतियोगितामा सित्तलपाटी फुटबल क्लबलाई २–१ गोल अन्तरले पछि पार्दै एपीएफ विजयी भएको हो।
उपाधि सँगै एपीएफले नगद २ लाख २२ हजार २ सय २२ रुपैयाँ र ट्रफी प्राप्त गरेको छ। उपविजेता सित्तपाटीले १ लाख ११ हजार १ सय ११ रुपैयाँमा चित्त बुझाएको छ। सेमिफाइनल लिष्ट भङ्साबारी फुटबल क्लब र इटहरी फुटबल क्लबले प्रति टिम २७ हजार ७ सय ७७ रुपैयाँ प्राप्त गरेका छन्।
भङ्साबारीलाई एपीएफ र इटहरीलाई सित्तलपाटीले हराएको थियो। तीनपोखरी समाज विकास क्लबले माघे संक्रान्तीका अवसरमा फुटबल प्रतियोगिता आयोजना गरेको हो। बिहीबारबाट सुरु भएको प्रतियोगितामा १२ टिमको सहभागिता रहेको थियो।
प्रतिक्रिया दिनुहोस !
