बाजुराको स्वामिकार्त्तिक खापर गाउँपालिकाकी उपाध्यक्ष जोशीको निधन
माघ ४, २०८० बिहीबार १२:१६:४
बाजुरा : बाजुराको स्वामीकार्त्तिक खापर गाउँपालिकाकी उपाध्यक्ष मैना जोशीको निधन भएको छ। लामो समयदेखि बिरामी परेकी जोशीको बुधबार राती आफ्नै निवासमा निधन भएको हो।
उपाध्यक्ष जोशी क्यान्सरबाट पीडित थिइन्। ललितपुरको किष्ट अस्पतालमा उपचार गराएर केही दिनअघि उनी घर फर्किएकी थिइन्।
जोशी २०७९ को स्थानीय निर्वाचनमा नेपाली कांग्रेसबाट गाउँपालिकाको उपाध्यक्षमा निर्वाचित भएकी थिइन्।
कांग्रेस सहमहामन्त्री बद्री पाण्डेले उपाध्यक्ष जोशीको निधनमा दु:ख व्यक्त गर्दै मंसिर २८ गते जंसालमा भएको भेटघाट अन्तिम रहेको उल्लेख गरेका छन्।
प्रतिक्रिया दिनुहोस !
