काठमाडौं : इलाका प्रहरी कार्यालय बनेपाले ७३ बोरा गाँजासहित तीनजनालाई पक्राउ गरेको छ । सोमबार बिहान पनौतीबाट बनेपातर्फ आउँदै गरेको बा ६ च २९६ नम्बरको डीआई गाडी चेकजाँच गर्ने क्रममा चालकसहित एक महिला र एक पुरुष गरी तीनजनालाई प्रहरीले पक्राउ गरिएको इलाका प्रहरी कार्यालय बनेपा प्रमुख डीएसपी लालध्वज सुवेदीले अन्नपूर्णलाई जानकारी दिए ।
प्रहरीले चेक गर्ने क्रममा भाग्न खोजेपछि गाँजाको बोरासहित तीनजनालाई पक्राउ गरिएको डीएसपी सुवेदीले बताए ।
पक्राउ पर्नेमा गाडी चालक नुवाकोट बिदुर ११ घर भइ हाल काठमाडौं बालाजु डेरा गरी बस्ने ३५ वर्षीय बुद्धमान तामाङ, रामेछाप ८ घर भई हाल काठमाडौं बालाजु डेरा गरी बस्ने २० वर्षीय संजीव तामाङ र रामेछाप ८ घर भइ हाल काठमाडौं बालाजु डेरा गरी बस्ने ५३ वर्षीय बिमला तामाङ रहेको प्रहरीले जनाएको छ ।
पनौती रोडको छाला कारखानामा पक्राउ परेका तीनजनामाथि थप अनुसन्धन भइरहेको प्रहरीले जनाएको छ ।
पक्राउ परेका तीनजना , गाँजा र गाडी इलाका प्रहरी कार्यालय बनेपा ल्याउने काम भइरहेको डीएसपी सुवेदीले बताए ।
प्रतिक्रिया दिनुहोस !
