धनकुटा : जिल्लाको साँगुरीगढी गाउँपालिका-३ कुसेटारमा पाँचौं सरस्वती कप फुटबल प्रतियोगिता सुरु भएको छ।
सरस्वती मेलाको अवसर पारेर साँगुरीगढी गाउँपालिकाको सहयोगमा तथा ड्रिम ब्वाइज फुटबल क्लबको आयोजनामा प्रतियोगिता सुरु भएको हो।
उद्घाटन खेलमा आयोजक रातोले विन्दिया फुटबल क्लबलाई ७-१ गोलअन्तरले पराजित गरेको छ। त्यस्तै दोस्रो खेलमा सिवाइसी फुटबल क्लबलाई २-१ गोलअन्तरले पराजित गर्दै याङ्लीखाम फुटबल क्लबले पनि विजयी बन्यो।
प्रतियोगिताको पुरुष तर्फ १६ टिमको र महिला तर्फ ८ टिमको सहभागिता रहेको छ। पुरुषतर्फको विजेताले नगद ५५ हजार ५ सय ५५ र उपविजेता टिमले ३५ हजार ५ सय ५५ रुपैयाँ प्राप्त गर्नेछन्। त्यस्तै महिलातर्फको विजेताले नगद १५ हजार र उपविजेता टिमले १० हजार रुपैयाँसहित ट्रफी प्राप्त गर्ने आयोजक ड्रिम व्वाइज क्लबका अध्यक्ष नविन माझीले बताए।
आगामी फागुन २ गते सम्म सञ्चालन हुने प्रतियोगिताको उद्घाटन साँगुरीगढी गाउँपालिका अध्यक्ष जितेन्द्र राईले गरेका थिए।
प्रतिक्रिया दिनुहोस !
