झापा : झापाको दमक नगरपालिका-३ बेलडाँगीमा रहेको भुटानी शरणार्थी शिविरमा ८ महिने बालकको हत्या भएको छ। शिविरको सेक्टर बी४ हट ४३२ मा बस्ने ५० वर्षीय पञ्चवीर घिसिङको घरमा आश्रय लिएर बसेका २५ वर्षीया सुष्मिता बिश्वाको ८ महिनाको छोरा एरित ओलीको सोमबार हत्या भएको हो।
प्रहरीका अनुसार एरितलाई पञ्चवीरले पछारेका थिए। पछारेपछि अचेत बनेका बालकलाई उपचारका लागि दमक अस्पताल पठाएको र त्यहाँ इसीजी नभएका कारण दमकमै रहेको किओच बाल अस्पताल पठाइएको थियो। त्यहाँ लैजाने बितिक्कै अस्पतालले मृत घोषणा गरेको थियो। बालकको शव शवगृहमा राखिएको छ।
पञ्चवीर र सुष्मिताले बालको हत्या गरेको आशंकामा दुवैलाई प्रहरीले नियन्त्रणमा लिएको छ। दुवै जनाले मादक पदार्थ सेवनका गरेका थिए। उनीहरूलाई इलाका प्रहरी कार्यालय दमकमा राखेर अनुसन्धान गरिरहेको प्रहरीले जनाएको छ।
प्रतिक्रिया दिनुहोस !
