काठमाडौं : नेपालको पर्यटन प्रवर्द्धमा योगदान पुर्याउने ब्यक्ति तथा संस्थाहरूमध्येबाट नेपालमै पहिलो पटक विभिन्न ३१ विधामा टुरिज्म हिरो अवार्ड प्रदान गरिने भएको छ।
नेपालको पर्यटन क्षेत्रका विविध आयाममा आफूलाई सहभागी गराई पर्यटन प्रवर्द्धनमा योगदान पुर्याउँदै आएको ग्लोबल टुरिज्म प्रोमोसन काउन्सिलले नेपालमै पहिलोपटक टुरिज्म हिरो अवार्ड २०२४ आयोजना गर्न लागेको हो। आगामी मार्च १९ मा काठमाडौंमा आयोजना हुने एक भब्य समारोहमा यस अवार्ड विजेतालाई अवार्ड ट्रफी हस्तान्तरण गरिनेछ।
यसरी प्राप्त नोमिनेसनहरूमध्येबाट पूर्ण र आधिकारिक विवरणहरू भरिएका नोमिनेसनहरूलाई सर्टलिस्ट गरी भोटिङका लागि योग्य बनाइनेछन्। भोटिङका लागि आवश्यक लिंक नोमिनेसन भर्ने अधिकारिकक ब्यक्ति तथा सर्वसाधारणलाई उपलब्ध गराई बढीभन्दा बढी भोटिङ लागि आह्वान गरिनेछ। प्राप्त पब्लिक भोटलाई आधार मान्दै हाम्रा सम्मानित जुरीहरूको अन्तिम निर्णयका आधारमा आगामी मार्च १९ गते विजेता घोषणा गरी टुरिज्म हिरो अवार्ड ट्रफीसमेत हस्तान्तरण गरिने छ। यो सम्पूर्ण प्रक्रिया वेवमा आधारित र निःशुल्क हुने आयोजकले जनाएको छ।
कार्यक्रम संयोजक प्रमिलाले अवार्डमा सहभागिहरू कसैबाट पनि नोमिनेसन शुल्क नलिइने बताइन्। काउन्सिलका अध्यक्ष धमेन्द्र सापकोटाले भने अवार्ड विशुद्ध पर्यटन प्रवर्द्धनमा योगदान पुर्याउने ब्यक्ति तथा संस्थालाई प्रोत्साहित गर्ने उद्देश्यले आयोजना गरिएको बताए।
प्रतिक्रिया दिनुहोस !
