नेपालको खराब सुरुवात, तीन विकेटको क्षतिमा १३ रन मात्र

काठमाडौं : आइसीसी क्रिकेट विश्वकप लिग-२ अन्तर्गत नामिबियाविरुद्धको खेलमा नेपालले तेस्रो विकेट गुमाएको छ। टस हारेर ब्याटिङ गरेको नेपालले ३.५ ओभरमै तेस्रो विकेट गुमाएको हो।

नामिबियाका ज्याक ब्रेसलको तेस्रो ओभरको ५ औं बलमा जेजे स्मिटले ओपनर आशिफ शेखलाई क्याच आउट गराएका हुन्। शेखले ११ बलमा १ चौका मात्रै प्रहार गरेर बाहिरिए।

त्यस अगाडि नामिबियाका रुबेन ट्रम्पलम्यानले अनिल साहलाई आउट गराएका हुन्। साहले ६ बलमा १ चौकासहित ८ रन बनाएर बाहिरिए। 

त्यसैगरी ट्रम्पलम्यान कै पहिलो बलमा नेपालका ओपनर कुशल भुर्तेल जेजे स्मिटको हातबाट समातिएका थिए।

नेपालले पाँचौ ओभरको समाप्तिमा १५ रन बनाएर खेलिरहेको छ। अहिले रोहित पौडेल र भीम सार्की क्रिजमा छन्।

आजको खेलमा देव खनाल, दीपेन्द्र सिंह ऐरी, आरिफ शेख र सूर्य तामाङ बेञ्चमा बसेका छन्। घरेलु मैदानमा भएको अघिल्लो भेटमा नामिबियालाई दुवै खेलमा नेपालले हराएको थियो। यस अगाडि क्यानडाविरुद्धको सिरिजमा नेपालले क्लिन स्विप गरेको नेपाल पनि लिग २ मा सुखद सुरुवात गर्ने लक्ष्यसहित मैदान उत्रिएको छ।

एक दिवसीय विश्वकप खेलेर आएको नेदरल्यान्ड्स र जिम्बावेलाई पछि पारेर टी-२० विश्वकपमा छनोट भएको नामिबिया नेपालका लागि चुनौती रहेको छ। नामिबिया पनि नेपाललाई पराजित गरेर सुख सुरुवात गर्ने लक्ष्य लिएको छ। 

नेपालको टोली : रोहित पौडेल, आसिफ शेख, अनिल शाह, कुशल भुर्तेल, कुशल मल्ल, पवन सर्राफ, भीम सार्की, गुलशन झा, सोमपाल कामी, करण केसी, ललित राजवंशी ।