नुवाकोट : नुवाकोटको पूर्वी भेगमा रहेको पाखुरेको भीरबाट खसेर एक महिलाको ज्यान गएको छ। बेलकोटगढी नपा १३ की ३८ वर्षीया सपना लामाको भीरबाट खसेर ज्यान गएको जिल्ला प्रहरी कार्यालय नुवाकोटले जनाएको छ।
सपनाको शव सडकमार्गदेखि एकसय मिटर तल स्थानीयवासीले देखेपछि प्रहरीलाई खबर गरेका थिए।
महिलाको शव पोष्टमार्टमका लागि नुवाकोट जिल्ला अस्पताल त्रिशूलीमा राखिएको छ भने घटनाका सम्बन्धमा थप अनुसन्धान भइरहेको नुवाकोट प्रहरीले जनाएको छ।
प्रतिक्रिया दिनुहोस !
