सिन्धुपाल्चोक : सिन्धुपाल्चोकको पाँचपोखरी गाउँपालिकामा रहेको भीम विद्याश्रम माध्यमिक विद्यालयमा पाँचपोखरी सिकाइ मेला सञ्चालन गरिएको छ।
गाउँपालिकाका विद्यालयहरूको सहकार्यमा भएको कार्यक्रममा पाँचपोखरी थाङ्पाल गाउँपालिकाको आयोजना तथा भिम विद्याश्रम माध्यमिक विद्यालय, पालिकाका सबै विद्यालयहरू र विभिन्न गैरसरकारी संस्थाको आयोजनामा मेला गरिएको मेलामा २३ वटा विद्यालयले स्टल राखेका थिए।
‘विज्ञान प्रविधि र कलाको प्रबर्द्धन आजको युग सुहाउँदो शिक्षाको सम्बोधन’ भन्ने मुल नाराका साथ सुरु भएको सिकाइ मेलामा विद्यार्थीहरूले ५० भन्दा बढी विज्ञान, गणित अंग्रजी र सामाजिक विषयसँग सम्बन्धित प्रयोगात्मक कलाहरू प्रदर्शन गरे।
भोताङदेवि माध्यमिक विद्यालयले स्टलका रूपमा राखिएको स्थानीय विषय अन्तरगत पाँचपोखरी विषयको समग्र पाँचपोखरी चित्रित स्टल गाउँपालिकालाई हस्तान्तरण गरिएको आयोजक विद्यालयका प्रधानाध्यापक अनिलकुमार स्याङ्बोले जानकारी दिए।
प्रतिक्रिया दिनुहोस !
