धरान : बीपी कोइराला स्वास्थ्य विज्ञान प्रतिष्ठानको दक्षिण गेट तोडफोड गरिएको छ। शनिबार जेसिबी लगाएर गेट तोडफोड गरिएको हो।
दक्षिण गेट खुल्ला गर्न धरान १९ का बासिन्दाले यस अगाडि नै माग गरेका थिए। बीपी प्रतिष्ठान प्रशासनले गेट खुल्ला गर्न नमानेपछि यहीका बासिन्दाले भत्काउन लगाएको आशंका गरिएको छ। गेट भत्काउन थालेपछि तत्काल घोपा प्रहरी चौकी धरानको प्रहरी टोलीले जेसिबी र चालकलाई नियन्त्रणमा लिएर अनुसन्धान सुरु गरिएको सुनसरीका प्रहरी प्रमुख एसपी बिपिन रेग्मीले बताए।
पक्राउ परेका जेसिबी चालक उद्दिम खड्काले जेसिबी साहु प्रशान्त क्षेत्रीले पठाएर गेट भत्काउन आएको प्रहरीलाई बयान दिएका छन्। प्रहरीले गेट भत्काउन लगाउने धरान-१९ का शन्त तेम्बे लिम्बुलाई खोजिरहेको एसपी रेग्मीले बताए। गेट भत्काउन लगाउने लिम्बू माओवादी धरानका नेता हुन्।
प्रतिक्रिया दिनुहोस !
