गोदावरी : नेपाली कांग्रेसको महासमिति बैठकमा आज सातै प्रदेशमा सभापतिहरुले समूहगत प्रतिवेदन पेश गर्ने भएका छन्। महासमिति बैठकको चौथौ दिन आज पनि उपसभापति पूर्णबहादुर खड्का र महामन्त्रीद्वय गगन थापा तथा विश्वप्रकाश शर्माको प्रतिवेदन उपर छलफल भइरहेको प्रचार प्रसार उपसमिति संयोजक मीनबहादुर विश्वकर्माले जानकारी दिए ।
बुधबार रातिसम्म महासमिति सदस्यहरुले आफ्नो धारणा राख्ने क्रम नसकिएपछि आज पनि महासमिति सदस्यहरुले धारणा प्रस्तुत गर्ने चलिरहेको छ । महासमिति सदस्यहरुले बोलिसकेपश्चात् सातवटै प्रदेशका सभापतिहरुले आआफ्नो प्रदेशबाट उठाइएको सुझाव र धारणलाई प्रतिवेदनसहित मूल हलमा प्रस्तुत गर्ने कार्यतालिका रहेको छ ।
सोमबारबाट सुरु भएको महासमिति बैठक आजै सक्ने तयारी रहेको संयोजक विश्वकर्माले बताए ।
प्रतिक्रिया दिनुहोस !
