बैतडी : बैतडीमा मलामी बोकेको जीप दुर्घटना हुँदा एक जनाको मृत्यु भएको छ। ५ जना घाइते भएका छन्।
मृत्यु हुनेमा डिलाशैनी गाउँपालिका-१ का ५० वर्षीय गोपाल बोहरा रहेका छन्। जिल्ला प्रहरी कार्यालयका अनुसार जिल्लाको डिलाशैनी गाउँपालिका-१ घारडा भन्ने ठाउँमा सुप्रप ०१००१ च ३१४६ नम्बरको जीप दुर्घटनामा परेको हो।
घाइते ५ जनाको गोकुलेश्वर अस्पतालमा उपचार भइरहेको कार्यालयका प्रवक्ता प्रहरी निरीक्षक नन्दराज जोशीले बताए। जीपमा १३ जना सवार रहेका थिए। जीप सडकमै पल्टिएको र घटनाबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
