इटनले तोडे शतकको कीर्तिमानी
नामिबियाले नेपाललाई दियो २०७ रनको लक्ष्य
फागुन १५, २०८० मंगलबार १३:७:२१
काठमाडौं : टी-२० त्रिकोणात्मक सिरिजमा नामिबियाले नेपाललाई २०७ रनको लक्ष्य दिएको छ। त्रिवि क्रिकेट मैदान कीर्तिपुरमा आज टस जितेर ब्याटिङ गरेको नामिबियाले निर्धारित ४ विकेटको क्षतिमा २०६ रन बनाएको हो।
नामिबियाका जान निकोल लोफ्ट इटनले ३३ बलमै सतक प्रहार गरे। उनले ३६ बलमा ११ चौका र ८ छक्का प्रहार गर्दै १०१ रनको योगदान गरे। उनी टी-२० अन्तर्राष्ट्रिय क्रिकेटमा सबैभन्दा कम बलमा शतक पूरा गर्ने खेलाडी बनेका छन्। यस अगाडि नेपालका कुशल मल्लले ३४ बलमा सतक पूरा गरेर सबैभन्दा कम बलमा सतक बनाउने विश्व कीर्तिमान बनाएका थिए।
त्यसैगरी नामिबियाका मलान क्रुगरलेअर्धसतक प्रहार गर्दै अविजित रहे। क्रुगरले ४८ बलमा २ छक्का र ६ चौकासहित ५९ रन बनाए।
माइकल भान लिंगेनले १९ बलमा १ छक्का र २ चौका प्रहार गरेर २० रनको योगदान गरे। जेपी कोट्जीले १ छक्कासहित ११ रन, जान फ्रिलिंकले ५ रन बनाए।
नेपालका लागि कप्तान रोहित पौडेलले २ विकेट, करण केसी र अविनाश बोहोराले १/१ विकेट लिए।
नेपाल टोली
रोहित पौडेल (कप्तान), कुशल भुर्तेल, आसिफ शेख, कुशल मल्ल, अभिनाश बोहोरा, सोमपाल कामी, विवेक कुमार यादव, गुलशन झा, दीपेन्द्र सिंह ऐरी,करण केसी,सन्दीप जोरा
प्रतिक्रिया दिनुहोस !
